Barkamol avlod – yurt kelajagi: Deputat sport ob’ektlari holatini ko‘zdan kechirdi.
Xalq deputatlari Do‘stlik tuman Kengashi deputati Nafisa Ismatova yoshlar maslagat guruhi hamkorligida G'.G'ulom mahallasi hududda sog‘lom turmush tarzini targ‘ib qilish va yoshlarning sport bilan shug‘ullanishlari uchun yaratilgan sharoitlarni o‘rganish maqsadida nazorat-tahlil tadbirini olib borishdi.
Bugun mamlakatimizda yosh avlodning jismoniy va ma’naviy yetuk bo‘lib ulg‘ayishi, aholi o‘rtasida ommaviy sportni rivojlantirish davlat siyosatining ustuvor yo‘nalishlaridan biri hisoblanadi. Bu borada mahallalarda yaratilgan sharoitlar va mavjud sport infratuzilmasining holati doimiy e’tiborda.

Sport maktabidagi sport zallarining bugungi holati, ularning sanitariya-gigiyena talablariga javob berishi hamda qishki mavsumda issiqlik tizimining barqarorligi ko‘zdan kechirildi.
Sport anjomlari bilan ta’minlanganlik: O‘quvchilar va mahalla yoshlari uchun zarur bo‘lgan sport jihozlari (to‘plar, gimnastika anjomlari, trenaajerlar)ning mavjudligi va ularning yaroqlilik darajasi tahlil qilindi.
Yangi imkoniyatlar: Sport maktabi faoliyati: Deputat tumanda yangi, zamonaviy tipda barpo etilgan Sport majmuasi va Sport maktabiga tashrif buyurib, u yerda yaratilgan sharoitlar bilan yaqindan tanishdi. Zamonaviy standartlar asosida qurilgan ushbu majmuaning quvvati, seksiyalar faoliyati va murabbiylar tarkibi e’tibor markazida bo‘ldi.
O‘rganish davomida Nafisa Ismatova mahalla yoshlari va sport maktabi tarbiyalanuvchilari bilan bevosita muloqot qildi. Deputat tomonidan sport inshootlaridan foydalanish samaradorligini oshirish, bo‘sh vaqtlarda mahalla aholisini, ayniqsa, uyushmagan yoshlarni sportga kengroq jalb etish bo‘yicha tegishli tavsiyalar berildi.
"Sport – nafaqat salomatlik garovi, balki yoshlarni zararli odatlardan yiroq tutuvchi kuchli vositadir. Bizning maqsadimiz — har bir mahallada yoshlarimiz zamonaviy sharoitlarda, sifatli sport anjomlari bilan shug‘ullanishini ta’minlash," — deydi deputat N. Ismatova.
Tadbir yakunida aniqlangan kamchiliklarni bartaraf etish hamda sport ob’ektlarini yanada takomillashtirish yuzasidan mas’ullarga deputatlik tavsiyalari berilib, ijrosi nazoratga olindi.