Xalq deputatlari Uchquduq tuman Kengashiga deputati I.Raximov hamda kotibiyat mudiri M.Kamolovalar tomonidan “Altintau” OFYda hokim yordamchilari faoliyati va amalga oshirilayotgan ishlar samaradorligi yuzasidan o‘rganish ishlari olib borildi.

O‘rganish davomida hududda aholini kambag‘allikdan chiqarish, bandligini ta’minlash hamda tadbirkorlikni rivojlantirish borasida amalga oshirilayotgan ishlar tahlil qilindi.

Jumladan:
🔹 7 nafar fuqaroning bandligi ta’minlangan;
🔹 16 nafar fuqaro tadbirkorlik faoliyatiga jalb qilingan;
🔹 9 nafar fuqaroga imtiyozli kredit olishda amaliy ko‘mak ko‘rsatilgan.

Shuningdek, hudud aholisi bilan suhbatlar o‘tkazilib, ularni qiynab kelayotgan muammolar va murojaatlar o‘rganildi. Mutasaddilarga mavjud masalalarni hal etish yuzasidan tegishli tavsiyalar berildi.

Mazkur yo‘nalishdagi ishlarni tizimli davom ettirish hamda aholining daromad manbalarini oshirish bo‘yicha amaliy choralar ko‘rilishi ta’kidlandi.