📌Xalq deputatlari Oqoltin tumani Kengashi deputati Y.Berdiyarov va tuman Adliya bo‘limi hamda tuman Adolat satsial-demokratik partiyasi vakillari bilan hamkorlikda Oqoltin tumani Tibbiyot birlashmasida tibbiyot sohasida amalga oshirilayotgan islohotlar yuzasidan targ‘ibot tadbiri o‘tkazildi.

🔷Tadbir davomida so‘nggi yillarda sog‘liqni saqlash tizimida olib borilayotgan keng ko‘lamli islohotlar, aholiga sifatli va zamonaviy tibbiy xizmat ko‘rsatishni yaxshilash borasidagi yangiliklar haqida batafsil ma’lumotlar berildi. Xususan, birlamchi tibbiy xizmatlarni yanada takomillashtirish, elektron tibbiyot tizimini joriy etish, shifokor va hamshiralar faoliyatini rag‘batlantirish, dori-darmon ta’minotini yaxshilash hamda aholining tibbiy xizmatlardan foydalanish imkoniyatlarini kengaytirish borasida amalga oshirilayotgan ishlar alohida ta’kidlandi.

Xalq deputatlari Oqoltin tumani Kengashi kotibiyati.