Xalq deputatlari Angor tumani Kengashi 11-Navro‘z saylov okrugi deputati To‘rayev Norquvvat Tadjimurodov tomonidan hududdagi 1-sonli maktabgacha ta’lim tashkiloti faoliyati o‘rganildi.O‘rganish jarayonida muassasa mudirasi Toshmurodova Nigina tomonidan bog‘cha faoliyati yuzasidan batafsil ma’lumot berildi. Ta’kidlanishicha, muassasada 8 ta guruh faoliyat yuritib, tarbiyalanuvchilar uchun sharoitlar mavjudligini taʼkidlab o'tdi. Shuningdek, bolalarning sog‘lom va sifatli ovqatlanishini ta’minlash, oziq-ovqat mahsulotlarining sifati hamda sanitariya talablariga rioya etilishi doimiy nazoratda ekani qayd etildi. Deputat tomonidan guruh xonalari va tarbiyaviy jarayonlar ham ko‘zdan kechirildi. Muassasada bolalarning bilim va dunyoqarashini oshirishga qaratilgan o‘quv to‘garaklari, xorijiy tillarni o‘rgatish jarayonlari hamda zamonaviy ta’lim uslublari asosida olib borilayotgan mashg‘ulotlarga alohida e’tibor qaratildi. Deputat tomonidan maktabgacha ta’lim tizimida yosh avlodni har tomonlama barkamol etib tarbiyalash, ularga sifatli ta’lim va tarbiya berish muhim vazifa ekani ta’kidlanib, muassasa faoliyatini yanada takomillashtirish yuzasidan tegishli tavsiyalar berildi.