Xalq deputatlari Urganch shahar Kengashi raisi P.Ro’ziboyev va shahar hokimi B.Radjapovlar shahardagi Yangiobod mahallasidagi drayver loyihalarining borishini o’rgandilar. Jumladan, mahalla hududidan kesib o‘tgan zovurni yopiq drenaj tizimiga o‘tkazish va bo‘shagan maydonlarda zamonaviy tadbirkorlik subyektlarini joylashtirish masalalari atroflicha muhokama qilindi.

O‘rganish davomida ushbu loyiha nafaqat hududning sanitariya-epidemiologik holatini yaxshilash, balki yerosti sizot suvlari sathini pasaytirish orqali aholi xonadonlari poydevori mustahkamligini ta’minlashda ham muhim ahamiyat kasb etishi ta’kidlandi. Zovur ustida tashkil etiladigan savdo va xizmat ko‘rsatish
nuqtalari hisobiga o‘nlab yangi ish o‘rinlari yaratish, shu orqali mahalladagi ishsiz yoshlar va xotin-qizlar bandligini ta’minlash bo‘yicha mas’ullarga topshiriqlar berildi.