Doimiy komissiyada 2026-yil 5-yanvardagi PQ-1-sonli qarorning Uchtepa tumanidagi ijrosi muhokama qilindi

🇺🇿 Bugun xalq deputatlari Uchtepa tumani Kengashidagi xalq deputatlari Uchtepa tumani Kengashining Korrupsiyaga qarshi kurashish, davlat organlarida ochiqlikni taʼminlash, huquqiy va xavfsizlik masalalari bo'yicha doimiy komissiyaning "O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-sonli qarorining Uchtepa tumanida 2026-yilning birinchi chorakdagi ijrosi yuzasidan tuman prokuraturasining axboroti to‘g‘risida"gi masala ko‘rib chiqildi.

🇺🇿 Mazkur masala yuzasidan Uchtepa tumani prokurori o'rinbosari Muxiddinov Abdurasul Abduraxmonovich tomonidan axborot taqdim etildi. Axborotda O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ-1-sonli qarorining Uchtepa tumanida 2026-yilning birinchi chorakdagi ijrosi yuzasidan amalga oshirilgan ishlar atroflicha yoritib berildi.

🗣 Ma'lumotlarga ko'ra, Uchtepa tumanida 2026-yilning dastlabki 3 oyi holatiga qizil mahallalar mavjud emasligi, sariq toifadagi mahallalar 12 tani, yashil toifadagilari esa 48 tani tashkil qilayotganligi aniqlandi. Ushbu toifalarning yaxshilanishi tuman hududida xavfsizlik darajasini oshishi hamda manzilli profilaktika ishlarini tashkil etib borilishida muhim ahamiyat kasb etadi.

💬 Doimiy komissiya raisi Abdurashid Abdushukurov hamda komissiya a’zolari — A.Xaydarov, G.Xamitova hamda O.Revtovlar axborotni tinglab, o‘z saylov okruglarida uchrayotgan muammolar va tumandagi boshqa dolzarb masalalar yuzasidan savollar bilan murojaat qildilar. Savol-javoblar jarayonida mavjud kamchiliklar, ularni bartaraf etish yo‘llari hamda kelgusidagi ustuvor vazifalar yuzasidan taklif va tavsiyalar bildirildi.

📱 Komissiya yig‘ilishi Zoom platformasi orqali tashkil etilib, unda tuman Kengashi kotibiyati mudiri Anvar Usmanov, bosh mutaxassislar U.Abilov va Z.Kuziyevalar ishtirok etdilar.

📝 Muhokamalar yakunida barcha deputatlar tomonidan mazkur masalani sessiya kun tartibiga kiritish yuzasidan bir ovozdan qaror qabul qilindi.

✅ Mazkur jarayon tuman mahallalarida xavfsiz muhitni yaratish hamda jinoyatchilikning barvaqt oldini olish, aholining hayoti va ‘tinchligini ishonchli himoya qilishga xizmat qiladi.