“AHOLI SALOMATLIGI YO‘LIDA AMALIY MULOQOT”

Xalq deputatlari Navoiy shahar Kengashi deputati Muqaddas Raxmatova hamda Xalq deputatlari Navoiy shahar Kengashi kotibiyati mudiri Jo‘rabek Hafizov Navoiy shahrida joylashgan tibbiyot birlashmasida bo‘ldilar.

Tashrif davomida muassasada aholiga ko‘rsatilayotgan tibbiy xizmatlar sifati, bemorlar uchun yaratilgan sharoitlar hamda sohaga oid dolzarb masalalar bilan yaqindan tanishildi. Shuningdek, tibbiyot xodimlari bilan ochiq muloqot o‘tkazilib, ularning taklif va mulohazalari tinglandi.

Uchrashuv jarayonida sog‘liqni saqlash tizimini yanada takomillashtirish, aholiga sifatli va zamonaviy tibbiy xizmat ko‘rsatishni kengaytirish, mavjud muammolarni o‘z vaqtida hal etish masalalariga alohida e’tibor qaratildi.

Ta’kidlanganidek, inson salomatligini asrash, tibbiyot muassasalari faoliyatini qo‘llab-quvvatlash hamda aholining tibbiy xizmatlardan rozi bo‘lish darajasini oshirish ustuvor vazifalardan biri hisoblanadi.