“Marhabo talantlar” ko‘rik-tanlovida yuqori natijalarga erishib, “Jahon Grand Prix” sovrindori bo‘lgan yosh iste’dod egasi xalq deputatlari Boyovut tumani Kengashi deputati A. Odilov tomonidan munosib taqdirlandi.

Taqdirlash jarayonida yoshlarning iste’dodini qo‘llab-quvvatlash, ularni ilm-fan, san’at va ijod yo‘nalishlarida yanada rag‘batlantirish muhim ahamiyat kasb etishi alohida ta’kidlandi.

Shuningdek, tanlov g‘olibining erishgan yutuqlari yoshlar uchun ibrat ekani qayd etilib, ularning bo‘sh vaqtini mazmunli tashkil etish, iste’dod va qobiliyatlarini ro‘yobga chiqarish borasida keng imkoniyatlar yaratib berilayotgani bildirildi.

Tadbir davomida yosh avlodni yuksak marralar sari intilish, Vatanga sadoqat va fidoyilik ruhida tarbiyalash masalalariga ham alohida e’tibor qaratildi.