Xalq deputatlari Yunusobod tuman Kengashi deputati Iqbolxon Ashrapova tashabbusi bilan “Burch, jasorat, matonat” shiori ostida ma’rifiy-ma’naviy tadbir tashkil etildi.

Mazkur tadbir O‘zbekiston Respublikasining “Yoshlarga oid davlat siyosati to‘g‘risida”gi O‘RQ–406-son Qonuni mazmuniga hamohang ravishda o‘tkazildi. Ushbu Qonunda yoshlarga oid davlat siyosati sohasidagi munosabatlarni tartibga solish, yoshlarning huquq va manfaatlarini qo‘llab-quvvatlash, ularning ma’naviy, intellektual hamda ijtimoiy faolligini oshirishga qaratilgan vazifalar belgilangan.

Tadbir davomida yosh avlodda Vatanga sadoqat, burchga mas’uliyat, jasorat, matonat, fidoyilik va faol fuqarolik pozitsiyasini shakllantirish masalalariga alohida e’tibor qaratildi.

Shuningdek, ishtirokchilarga tinchlik va osoyishtalikning qadriga yetish, jamiyat hayotida faol bo‘lish, bilim olish, o‘z ustida ishlash hamda yurt ravnaqiga munosib hissa qo‘shish zarurligi haqida tushunchalar berildi.

Bunday ma’rifiy tadbirlar yoshlarning ma’naviy dunyoqarashini boyitish, ularni vatanparvarlik ruhida tarbiyalash va mahallalarda sog‘lom ijtimoiy-ma’naviy muhitni mustahkamlashga xizmat qiladi.

Bizni kuzatishda davom eting!