Xalq deputatlari shahar Kengashining 1-Yangihayot saylov okrugidan saylangan O‘zXDP deputati U.Abdunazarov hamda 16-Obodturmush saylov okrugidan saylangan O‘zLiDeP deputati T.Niyozov tomonidan shahar dehqon bozorida aholi iste’moli uchun eng zarur bo‘lgan oziq-ovqat mahsulotlarining narx-navosi, ularning yetarliligi va sifati atroflicha o‘rganildi. O‘rganish jarayonida oziq-ovqat mahsulotlari savdosida narxlar barqarorligini ta’minlash, bozorlarda sun’iy oshirilish holatlarining oldini olish bilan bir qatorda, aholiga qulaylik yaratish maqsadida arzonlashtirilgan savdo yarmarkalari tashkil etilgani alohida e’tirof etildi. Bunday tashabbuslar, ayniqsa, kam ta’minlangan oilalarni qo‘llab-quvvatlash, xalqimiz dasturxonini to‘kin saqlash va ijtimoiy barqarorlikni mustahkamlashda muhim ahamiyat kasb etmoqda.