🟢 Xalq deputatlari viloyat va tuman Kengashlari deputati E. Dushamov, Xalq deputatlari Shovot tumani Kengashi kotibiyati mudiri I. Masharipov hamda kotibiyat bosh mutaxassisi U. Ro‘zmetov tomonidan Ekopatrul xizmati Shovot tumani bo‘limi tomonidan tumanda olib borilayotgan ishlar yuzasidan o‘rganish o‘tkazildi.

🔹 O‘rganish davomida hududlarda ekologik holatni yaxshilash, sanitariya-tozalikni ta’minlash, noqonuniy chiqindi tashlash holatlarining oldini olish hamda atrof-muhitni muhofaza qilish borasida amalga oshirilayotgan ishlar atroflicha ko‘rib chiqildi.

🔹 Shuningdek, Ekopatrul xizmati tomonidan aholi o‘rtasida ekologik madaniyatni yuksaltirish, fuqarolarni tozalik va atrof-muhitga ehtiyotkorona munosabatda bo‘lishga chaqirish yuzasidan olib borilayotgan targ‘ibot ishlari ham muhokama qilindi.

🔹 Mutasaddilar tomonidan hududlarda ekologik barqarorlikni ta’minlash, mavjud muammolarni tizimli hal etish hamda sohada nazorat samaradorligini yanada oshirish bo‘yicha tegishli tavsiyalar berildi.

🌱 Toza va obod muhit — sog‘lom hayot garovi.