Xalıq deputatları Bozataw rayonlıq Keńesi, 3-sanlı «Mádeniyat» saylaw okruginen (ÓzXDP) deputat G.Yusupova tárepinen rayonlıq PXAJ bóliminde 2026-jıldıń birinshi sheregi dawamında ámelge asırılıp atırǵan jumıslar boyınsha úyreniwler alıp barıldı.

Úyreniw dawamında bólim tárepinen puqaralarǵa kórsetilip atırǵan xızmetlerdiń sapası, hújjetlestiriw procesleri, elektron sistemalardıń islewi hám xalıqqa qolaylıq jaratıw maqsetinde ámelge asırılıp atırǵan isleri menen jaqınnan tanısıldı.

Sonıń menen birge, tuwılıw, nekeden ótiw, ajırasıw hám basqa da puqaralıq hálat aktların dizimge alıw boyınsha alıp barılıp atırǵan jumıslar kózden ótkerildi.

Deputat tárepinen bólim xızmetkerleri menen ushırasıw ótkerilip, xalıqqa tez hám sapalı xızmet kórsetiw, múrájaatlarni óz waqtında qarap shıǵıw, sanlı texnologiyalardan nátiyjeli paydalanıw boyınsha usınıs hám pikirler bildirildi.
Sonday-aq, puqaralar ushın qolay sharayat jaratıw, xızmet kórsetiw mádeniyatın jáne de jetilistiriw máselelerine ayrıqsha itibar qaratıldı.

Úyreniw juwmağında PXAJ bólimi jumısların jáne de jetilistiriw, xalıq penen ashıq hám nátiyjeli jumıs alıp barıw boyınsha tiyisli usınıslar islep shıǵıldı.
Deputat tárepinen bunday úyreniwlerdi turaqlı túrde alıp barıw arqalı xalıqqa kórsetilip atırǵan xızmetlerdiń sapasın arttırıwǵa erisiw múmkinligi atap ótildi.