Humo mahallasida kommunal xizmatlar holati o‘rganildi

Xalq deputatlari Navoiy shahar Kengashi deputati Xudoyqulova Nargiza G‘aybullayevna hamda Kengash kotibiyati bosh mutaxassisi Muborak Astanovalar tomonidan “Humo” mahallasi hududida istiqomat qiluvchi aholi uchun yaratilgan kommunal sharoitlar o‘rganildi.

O‘rganish jarayonida xonadonlarning issiq va sovuq suv bilan ta’minlanganligi, elektr energiyasi hamda tabiiy gaz bilan bog‘liq masalalar joyiga chiqqan holda ko‘zdan kechirildi. Shuningdek, aholi bilan suhbatlar o‘tkazilib, mavjud muammo va takliflar tinglandi.

Monitoring davomida aniqlangan kamchiliklarni bartaraf etish, kommunal xizmatlar sifatini yaxshilash hamda aholiga qulay shart-sharoitlar yaratish yuzasidan tegishli tashkilotlar bilan hamkorlikda amaliy choralar ko‘rish belgilandi.

Fuqarolarning murojaatlarini o‘rganish va hududdagi ijtimoiy muammolarni tizimli hal etishga qaratilgan bunday ishlar aholi farovonligini oshirishda muhim ahamiyat kasb etmoqda.