Tibbiy xizmat sifati va sharoitlar deputat
nazoratida 

Inson qadri ulug‘langan yurtda aholi
salomatligi eng ustuvor vazifadir. Shu maqsadda, 3-Mitan saylov okrugi
deputati (O‘zLiDeP deputatlik guruhi a’zosi) B.Abralov hamda tuman Kengashi
kotibiyati bosh mutaxassisi L.Iskandarov tomonidan hududdagi tibbiyot
muassasalarida aholiga ko‘rsatilayotgan tibbiy yordam holati o‘rganildi. 

O‘rganish markazida — sifat va tezkorlik 

Xalq vakillari tibbiyot muassasasidagi
mavjud holatni ko‘zdan kechirar ekanlar, quyidagi jihatlarga alohida e’tibor
qaratdilar: 

 Yaratilgan sharoitlar:
Bemorlar va tashrif buyuruvchilar uchun xonalarning holati, tozaligi hamda zamonaviy jihozlanganlik
darajasi; 

Tibbiy xizmat madaniyati: Shifokor va hamshiralarning bemorlarga bo‘lgan
munosabati hamda o‘z vaqtida ko‘rsatilayotgan muolajalar. 

    "Maqsadimiz — har bir xonadonda sog‘lom
muhit" 

 O‘rganish jarayonida deputat
B.Abralov tibbiyot xodimlari bilan muloqot qilib, aholi o‘rtasida profilaktika
ishlarini kuchaytirish va har bir murojaatga mas’uliyat bilan yondashish
zarurligini ta’kidladi. 

"Tibbiyot maskani — odamlar dardiga
davo topadigan muqaddas joy. Bu yerda yaratilgan sharoitlar va ko‘rsatilayotgan
xizmat aholining davlatga bo‘lgan ishonchini belgilaydi," — dedi deputat o‘z so‘zida. 

Telegram (http://t.me/PiskentTumaniKotibiyati)
Facebook (https://www.facebook.com/share/1B4wErcYvP/