Xalq deputatlari Taxiatosh tumani Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasining navbatdagi yig‘ilishi bo‘lib o‘tdi.

👥 Yig‘ilishga doimiy komissiya raisi, deputat Artikov Davron Omarbayevich boshchilik qildi.

🚨 Yig‘ilishda Taxiatosh tumani Favqulodda vaziyatlar bo‘limi tomonidan 2026 yilning I-choragi davomida favqulodda vaziyatlarning oldini olish sohasida amalga oshirilgan ishlar yuzasidan hisobot taqdim etildi.

📊 Xususan:

▪️ profilaktik tadbirlar

▪️ aholi xavfsizligini ta’minlash choralari

▪️ amaliy mashg‘ulotlar va tushuntirish ishlari

▪️ kelgusida amalga oshirilishi rejalashtirilayotgan vazifalar atroflicha muhokama qilindi.

🗣 Shuningdek, Favqulodda vaziyatlar bo‘limi boshlig‘i v.v.b. Ulug‘bek Masharipov tomonidan tizimda amalga oshirilayotgan ishlar haqida ma’lumot berildi hamda doimiy komissiya a’zolarining savollariga javob qaytarildi.

🔥 Yig‘ilish davomida deputat Daubaeva Bazargul Maxammatdinovna tomonidan aholini zaharli gazdan zaharlanish, portlash va yong‘in holatlaridan himoya qilish maqsadida “Uyma-uy” va “Mahallabay” kesimida profilaktik tadbirlarni kuchaytirish bo‘yicha takliflar bildirildi.

🏫 Deputat Aralbaeva Inkar Karlibayevna esa umumta’lim maktablari va texnikumlarda o‘quvchi-yoshlar ishtirokida:

▪️ “Yosh qutqaruvchi” musobaqalarini tashkil etish

▪️ zilzila vaqtida to‘g‘ri harakatlanish

▪️ evakuatsiya va birinchi yordam ko‘rsatish bo‘yicha o‘quv mashg‘ulotlarini o‘tkazish yuzasidan tavsiyalar berdi.

📑 Muhokamalar yakunida tegishli qarorlar qabul qilinib, belgilangan vazifalar ijrosini ta’minlash bo‘yicha kelishuvlarga erishildi.

🤝 Aholi xavfsizligi — ustuvor vazifa!