Xalq deputatlari Mirishkor tumani Kengashi kotibiyati hamda Yoshlar ishlari bo‘limi hamkorlikda ish boshladi.

➡️Mirishkor tumanida yoshlarning ijtimoiy-siyosiy faolligini oshirish, ularning orzu-intilishlarini qo‘llab-quvvatlash va "davlat — yoshlar nigohida" tamoyilini hayotga tatbiq etish bo‘yicha tizimli qadamlar tashlanmoqda. Xususan, tuman Kengashining 2025-yil 6-maydagi VII-8-71-4-63-K/25-sonli qarori bu borada huquqiy asos bo‘lib xizmat qilmoqda.  

👨‍💼Ushbu qaror ijrosini ta’minlash maqsadida Kengash kotibiyati bosh mutaxassisi B.Eshpo'latov hamda Yoshlar ishlari bo'limi boshlig'i I.Odilov ishtirokida ishchi uchrashuv o‘tkazildi. Unda quyidagi ustuvor vazifalar belgilab olindi:

🔵Maslahat guruhi faoliyati: Kengash huzurida jamoatchilik asosida faoliyat yurituvchi, yuridik shaxs maqomiga ega bo‘lmagan Yoshlar maslahat guruhi ishini sifat jihatidan yangi bosqichga ko‘tarish;  

🔵"Ustoz-shogird" tizimi: Guruh a’zolarini tajribali tuman Kengashi deputatlariga biriktirish orqali ularda norma ijodkorligi va siyosiy madaniyatni shakllantirish;  

🔵Jamoatchilik nazorati: Yoshlar masalalariga oid qaror loyihalarini ishlab chiqishda yoshlarning bevosita ishtirokini ta’minlash va hududiy dasturlarga takliflar kiritish;  

🔵Muammolarni aniqlash: "Tengdosh-tengdoshga" tamoyili asosida joylarda yoshlar muammolarini o‘rganish va ularni Kengash sessiyalari muhokamasiga olib chiqish.  

🔵Kengash kotibiyati va Yoshlar ishlari bo‘limi tumanimiz yoshlarini faol hamkorlikka va o‘z tashabbuslarini ilgari surishga chorlab qoladi.