🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov tomonidan tumanning “Daxana” mahallasiga biriktirilgan xotin-qizlar faoli N.Tuychiyeva faoliyati o‘rganildi.

🔷O‘rganish davomida xotin-qizlar faoli tomonidan mahallada olib borilayotgan ishlar, xususan, ayollarni ijtimoiy qo‘llab-quvvatlash, ularni bandlikka jalb etish, oilaviy muammolarni bartaraf etish hamda ma’naviy-ma’rifiy tadbirlarni tashkil etish borasidagi faoliyat tahlil qilindi. Shuningdek, “Ayollar daftari”ga kiritilgan fuqarolar bilan ishlash, ularning muammolarini o‘rganish va hal etish bo‘yicha amalga oshirilayotgan chora-tadbirlar holati ko‘rib chiqildi.

🔷Deputat tomonidan xotin-qizlar faolining aholi, ayniqsa, ehtiyojmand oilalar bilan muloqoti, ularning muammolariga yechim topishdagi sa’y-harakatlari ijobiy baholandi. Shu bilan birga, ayrim yo‘nalishlarda, jumladan, xotin-qizlarni kasb-hunarga o‘qitish, tadbirkorlikka jalb qilish va huquqiy ongini oshirish borasidagi ishlarni yanada kuchaytirish zarurligi ta’kidlandi.