Xususan, mahallalardagi hokim yordamchilari tomonidan amalga oshirilayotgan ishlar samaradorligini o‘rganish, aholining daromad manbalarini kengaytirish va ularning turmush darajasini yaxshilashga qaratilgan chora-tadbirlar ustidan deputatlik nazorati tadbirlari izchil tashkil etilmoqda. 

Jumladan, mazkur o‘rganish ishlari Xalq deputatlari Oltinsoy tumani Kengashi deputati Mengnarova Zarifa Toshpo‘latovna tomonidan 13-“Qorliq” saylov okrugi hududidagi “Qorliq” mahallasida o‘tkazildi. 

Unda Xalq deputatlari Oltinsoy tumani Kengashi kotibiyati mudiri M. Xo‘janov, shuningdek kotibiyat bosh mutaxassislari A. Esanov va I. Roziqovlar ishtirok etdilar. 

O‘rganish davomida mahallada amalga oshirilayotgan ishlar, xususan, aholini kambag‘allikdan chiqarish, ularni doimiy daromad manbalari bilan ta’minlash, tadbirkorlik faoliyatini qo‘llab-quvvatlash hamda mavjud muammolarni aniqlash va bartaraf etish masalalariga alohida e’tibor qaratildi. 

Tadbir yakunida aniqlangan kamchiliklarni bartaraf etish yuzasidan tegishli tavsiyalar berilib, amalga oshirilayotgan ishlar ustidan nazoratni kuchaytirish zarurligi ta’kidlandi. 

✍️Oltinsoy tumani Kengashi Kotibiyati Axborot xizmati