O’zbekiston Ekologik partiyasi Qo’shko’pir tuman Kengashi tashabbusi bilan 2026yil 22-aprel kuni tuman 1-son texnikumida “Yoshlarda ekologik madaniyatni rivojlantirish mavzusida” ochiq muloqot o’tkazildi. 

Unda partiyaning viloyat Kengashi vakillari, Xalq deputatlari tuman Kengashi deputati R.Matyoqubova,
ta’lim muassasasi o’qituvchi va o’quvchilari ishtirok etishdi. 

Tadbirda suv resurslaridan oqilona foydalanish, chiqindilarni saralash va qayta ishlashning
ekologik hamda iqtisodiy ahamiyati haqida batafsil ma’lumotlar berildi.
Shuningdek, atrof-muhitni muhofaza qilish, hududlarni obodonlashtirish, yashil
makonlarni kengaytirish borasida amalga oshirilayotgan ishlar va istiqboldagi
vazifalar muhokama qilindi. 

Tadbir so’ngida faol ishtirokchilar tashakkurnoma bilan taqdirlandilar. Bu kabi uchrashuvlar yoshlar
orasida ekologik madaniyatni rivojlantirishda muhim qadam bo‘lib xizmat qiladi.