Xalq deputatlari tuman Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi Rahmatillo Baxtiyev tomonidan tumandagi Bobur mahallasida amaliy o‘rganish ishlari olib borildi. Mazkur o‘rganish davomida tuman Kengashi qarori bilan hudud infratuzilmasini yaxshilash maqsadida tasdiqlangan chora-tadbirlarning ijrosi joyiga chiqib nazorat qilindi. Xususan, mahallada amalga oshirilayotgan obodonlashtirish, yo‘l va kommunikatsiya tarmoqlarini yaxshilashga qaratilgan ishlar atroflicha ko‘rib chiqildi. O‘rganish jarayonida aniqlangan kamchiliklar yuzasidan tegishli mas’ullarga aniq topshiriqlar berilib, ishlarni jadallashtirish va sifatini oshirish zarurligi ta’kidlandi.

Mazkur nazorat tadbiri qabul qilingan qarorlar ijrosini ta’minlash, hudud infratuzilmasini yaxshilash hamda aholi uchun yanada qulay shart-sharoitlar yaratishga xizmat qiladi.