DEPUTAT MAHALLADA 

  📌Bugun tuman Kengashi deputati R.Urakov ish rejaga muofiq Yuqori Xonobod MFY hududida aholi bilan muhim masalalar yuzasidan uchrashuv tashkil etildi.   

Uchrashuv davomida, avvalo, aholi tomonidan tomorqalardan unumli va samarali foydalanish, hosildorlikni oshirish masalalariga alohida e’tibor qaratildi. Shuningdek, tomorqalarni suv bilan ta’minlashda muhim o‘rin tutuvchi oqava suv tizimini yo‘lga qo‘yish, mavjud muammolarni bartaraf etish bo‘yicha taklif va tavsiyalar berildi. 

  Shu bilan birga, yig‘ilishda jamiyatda ortiqcha isrofgarchiliklarning oldini olish, ayniqsa to‘y va marosimlarni me’yor doirasida, ixcham va tejamkorlik asosida o‘tkazish masalalari ham muhokama qilindi. Deputat bu borada aholi o‘rtasida tushuntirish ishlarini kuchaytirish muhimligini ta’kidladi.   

 Uchrashuv yakunida bildirilgan fikr va takliflar asosida tegishli chora-tadbirlarni amalga oshirish bo‘yicha kelishib olindi.