Xalq deputatlari shahar Kengash deputatlari faoliyatining eng muhim yo‘nalishlaridan biri hisoblangan mahalladagi jinoyatchilikka qarshi kurash holati, ayniqsa qizil va sariq hududlarda jinoyatchilikni bartaraf qilish bo‘yicha olib borilayotgan ishlar bo‘yicha shahar Kengashi deputati N.Sharipova shahardagi “Jingavuz” mahallasi fuqarolarining bir guruhi bilan uchrashdi. 

Bu boradagi ishlarni yanada samarali tashkil etish maqsadida Xalq deputatlari Urganch shahar Kengashi deputati N.Sharipova hamda Urganch shahar IIB TQH TQKB boshlig‘i S.A.Sultonov bilan hamkorlikda “Jingavuz” mahallasi mahalla yettiligi mas’ul xodimlari ishtirokida mahalladagi og‘ir toifadagi oilalar bilan ishlash bo‘yicha amalga oshiriladigan tegishli chora-tadbirlar belgilab olindi. 

Maqsad mahalla hududida jinoyatchilik va huquqbuzarliklarning oldini olish, profilaktik tadbirlarni samarali tashkil etish hamda fuqarolar bilan manzilli ishlash hamda mahallaga biriktirilgan vakil tomonidan doimiy nazorat o‘rnatilish iborat.