Xalq deputatlari Kogon shahar Kengashi raisi A. Yangiyev, deputat Sh. Isamutdinov, kotibiyat bosh mutaxassisi I. Ikromov hamda kotibiyat bosh mutaxassisi – matbuot xizmati xodimi Z. Temirovalar tomonidan shahardagi 

Ziyokor mahalla fuqarolar yig‘inida faoliyat olib borayotgan xotin-qizlar faolining ish faoliyati o‘rganildi.

O‘rganish jarayonida xotin-qizlar faoli tomonidan mahallada amalga oshirilayotgan ishlar, xususan, ayollar bandligini ta’minlash, ularni kasb-hunarga yo‘naltirish, ijtimoiy himoyaga muhtoj xotin-qizlar bilan ishlash holati tahlil qilindi. Shuningdek, “ayollar daftari”ga kiritilgan fuqarolar bilan olib borilayotgan manzilli ishlar yuzasidan ma’lumotlar tinglandi.

Tashrif davomida ayrim xonadonlarga borilib, xotin-qizlarning yashash sharoiti va muammolari o‘rganildi. Fuqarolar bilan muloqot o‘tkazilib, ularning murojaatlari eshitildi hamda tegishli tavsiyalar berildi.

O‘rganish yakunida faoliyat samaradorligini oshirish va mavjud muammolarni bartaraf etish bo‘yicha ko‘rsatmalar berildi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

| Facebook (https://www.facebook.com/profile.php?id=61580100445021) | Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) | Telegramm (https://t.me/KogonshaharKengashiVI) | Instagram (https://www.instagram.com/madadnnt_/) | Veb sayt (https://kengash.gov.uz/news?region_id=2&authority_id=276)