Muzrabot tumani hokimi, Xalq deputatlari Muzrabot tumani Kengashi deputati A.Mamatqulov, tuman Kengashi kotibiyati mudiri, deputat D.Sherboyevlar O‘zbekiston Respublikasi Vazirlar Mahkamasining 2024-yil 11-oktyabrdagi 665-son Qaroriga asosan 2025-2026-yillarda ichki yoʻllarni qurish, rekonstruksiya qilish va taʼmirlash ishlariga ajratiladigan mablagʻlar parametrlari bo‘yicha amalga oshirilayotgan ishlar yuzasidan tumandagi “Bodomzor” mahallasida o‘rganish olib bordilar.

Hozirda mahallada quyidagi ishlar amalga oshirilmoqda.

Xususan:

- ichki yo‘llarni ta’mirlash doirasida “Shayiti” guzariga 1,6 km va “Ko‘chkak” guzariga 0,8 km tosh-shag‘al aralashmasi yotqizildi, “Markaz” ko‘chasining 0,480 km qismi asfalt qoplama bilan ta’mirlandi.

- Jami 2,98 km ichki yo‘llar ta’mirlanib, shu jumlaga 0,48 km asfalt qoplama va 2,4 km tosh-shag‘al aralashmasi yotqizilib, asfalt qoplamani olishga tayyor holga keltirildi.

Mazkur jarayonlar Xalq deputatlari Muzrabot tumani Kengashi deputatlari tomonidan doimiy nazoratga olinib, bajarilayotgan ishlarning sifati joyida o‘rganilmoqda.

Olib borilayotgan ishlar hudud infratuzilmasini yaxshilash, aholiga yanada qulay sharoitlar yaratishga xizmat qilmoqda.