Xalq deputatlari Zarbdor tuman Kengashi kotibiyati mudiri, deputat G.Xudoyarova hamda kotibiyat bosh mutaxassisi H.To‘rayev tomonidan tuman axborot-kutubxona markazi faoliyati o‘rganildi.
O‘rganish jarayonida markazda kitobxonlar uchun yaratilgan sharoitlar, fondning holati, adabiyotlardan foydalanish darajasi hamda aholining, ayniqsa yoshlarning kitob mutolaasiga bo‘lgan qiziqishini oshirish borasida olib borilayotgan ishlar bilan tanishildi.
Ma’lum qilinishicha, axborot-kutubxona markazi fondida qariyb 20 ming dona adabiyotlar mavjud bo‘lib, shundan 8 mingga yaqini badiiy adabiyotlar, 3 mingga yaqini tarixiy adabiyotlar, 2 mingga yaqini ensiklopedik va ma’lumotnoma nashrlar, qolgan qismi esa ilmiy-ommabop, o‘quv-uslubiy hamda boshqa turdagi adabiyotlarni tashkil etadi.
Shuningdek, markazda kitobxonlarga xizmat ko‘rsatish sifati, mavjud infratuzilma hamda adabiyotlar fondini yanada boyitish masalalariga alohida e’tibor qaratildi.
O‘rganish yakunida aholining kitobxonlik madaniyatini oshirish, yoshlarni mutolaaga keng jalb etish hamda markaz faoliyatini yanada takomillashtirish yuzasidan tegishli tavsiyalar berildi.