Xalq deputatlari Nurobod tumani Kengashi deputati N.Norkarayev tomonidan 20-Ag‘ron saylov okrugiga kiruvchi Novbahor mahallasi hududida joylashgan bozorlarda o‘rganish ishlari olib borildi.

O‘rganish jarayonida aholi iste’moli uchun eng zarur bo‘lgan oziq-ovqat mahsulotlarining narx-navosi, mahsulotlar sifati hamda bozorlardagi mahsulotlar yetarliligi holati atroflicha ko‘zdan kechirildi. Shuningdek, tadbirkor va sotuvchilar bilan muloqot qilinib, mahsulot ta’minoti va narx barqarorligini ta’minlash masalalari yuzasidan fikr almashildi.

Deputat tomonidan aholi manfaatlarini himoya qilish, bozorlarda sun’iy narx oshishiga yo‘l qo‘ymaslik va mahsulotlar yetarliligini ta’minlash bo‘yicha tegishli tavsiya va ko‘rsatmalar berildi.

Bu kabi o‘rganishlar aholini arzon va sifatli mahsulotlar bilan ta’minlash, shuningdek, bozorlarda sog‘lom raqobat muhitini shakllantirishda muhim ahamiyat kasb etadi.