🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasi, mart oyiga belgilangan media-reja, O‘zbekiston Respublikasi Prezidentining 2025-yil 31-yanvardagi PF-17-son Farmoni hamda 2026-yil 5-fevraldagi PQ-49-son qaroriga asosan tumanda istiqomat qiluvchi 1-guruh nogironligi bo‘lgan hamda oilasida mehnatga layoqatli a’zolari mavjud bo‘lmagan oilalarni qo‘llab-quvvatlash bo‘yicha belgilab olingan vazifalar xalq deputatlari Bo‘stonliq tumani Kengashi raisi O. Babayev, O‘zbekiston Xalq demokratik partiyasi deputatlik guruhi a’zosi S. Madjitov, kotibiyat xodimi M. Tursunbayeva tomonlaridan tuman “Inson” ijtimoiy xizmatlar markazi rahbari A. Inagamov ishtirokida joylarga chiqqan holda o‘rganildi.

🔷O‘rganish davomida tumanda istiqomat qiluvchi 6 nafar 1-guruh nogironligi bo‘lgan hamda oilasida mehnatga layoqatli a’zolari mavjud bo‘lmagan fuqarolar xonadonlarini tuman hokimligi huzuridagi “Infratuzilma va ijtimoiy barqarorlik” jamg‘armasi mablag‘lari hisobidan energiya tejamkor qilib ta’mirlash bo‘yicha belgilab olingan ishlar ro‘yxati ko‘zdan kechirildi.

🔷Nogironligi bor fuqarolar xonadonlarida qo‘shimcha qulayliklar yaratish yuzasidan tegishli tavsiyalar berildi.