Tashabbusli budjetning 2026-yil 1-mavsumida Marg‘ilon shahri fuqarolari tomonidan ilgari surilgan lekin yetarli ovoz to‘play olmagan, ammo aholi uchun dolzarb ahamiyatga ega bo‘lgan tashabbuslar alohida tartibda ko‘rib chiqilmoqda.

Shu munosabat bilan shahar Kengashi kotibiyati mudiri hamda shahar Tibbiyot birlashmasi boshlig‘i o‘rinbosari va mutasaddilar ishtirokida mazkur takliflar yuzasidan muhokama o‘tkazildi. Uchrashuv davomida sog‘liqni saqlash sohasiga oid tashabbuslar, ularning dolzarbligi hamda amaliy jihatdan amalga oshirish imkoniyatlari atroflicha tahlil qilindi.

Muhokama jarayonida ta’kidlanganidek, yetarli ovoz to‘play olmagan bo‘lsa-da, fuqarolar tomonidan bildirilgan takliflar e’tibordan chetda qolmaydi. Ularni tegishli dasturlar doirasida amalga oshirish, mavjud imkoniyatlardan kelib chiqib bosqichma-bosqich hal etish masalalari ko‘rib chiqilmoqda.