2026-jıl 26-mart kúni Taxtakópir rayonı hákimliginde Xalıq deputatları Taxtakópir rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń májilisi bolıp ótti.
Májilisti turaqlı komissiya baslıǵı orınbasarı E.Begmanov basqarıp bardı.
Kún tártibinde tómendegi máseleler qaraldı:
- Ózbekstan Respublikası Prezidentiniń 2025-jıl 12-sentyabrdegi PF-172-sanlı Pármanınıń orınlanıwın támiyinlew hámde rayon aymaǵında suw támiynatı hám suwǵarıw sistemaların jaqsılaw ilajları tuwralı;
- Taxtakópir rayonı hákimligi janındaǵı “Infrastruktura hám sociallıq turaqlılıq” qorı esabınan qarjı ajıratıw haqqında;
- Ózbekstan Respublikası Oliy Majlis Senatınıń 2024-jıl 30-yanvar kúngi KQ-666-IV-sanlı qararı na tiykarlanıp Тaxtakópir rayonı boyınsha 2026-jıl 1-máwsiminde jeńimpaz bolǵan jámáátshilik pikiri tiykarında qáliplesken usınıslardı qarjılandırıw tuwralı;
- Ózbekstan Respublikası Prezidentiniń 2026-jıl 5-fevraldaǵı "Kóp Kvartiralı jaylardı basqarıw sistemasın bunnan bılay da jetilistiriw boyınsha qosımsha ilajlar haqqında"ǵı PQ-48-sanlı qararınıń 4-5 qosımshaların rayonda orınlaw haqqında máseleler qarap shıǵılıp, rayonlıq Keńestiń sessiyasına usınıw haqqında sheshimler qabıl etildi.