Ózbekstan Respublikası Oliy Majlisi Senatı Keńesiniń 2024-jıl 4-aprel kúngi “Máhállelerdegi mashqalalardı sheshiwde Xalıq deputatları jergilikli Keńesleri deputatları hám senatorlarınıń “Máhálle jetiligi” menen birge islesiwdi jolǵa qoyıw is-ilajları haqqında”ǵı KQ-706-IV-sanlı qararınıń orınlanıwın támiyinlew maqsetinde Qaraózek rayonı Esimózek awıl puqaralar jıyını aymaǵında ushırasıw bolıp ótti. Ushırasıwǵa rayonlıq Keńes deputatı S.Eshanov, máhálle jetiligi, kóshe biyleri hám aymaq turǵınları qatnastı. Ushırasıwda shıǵıp sóylewshiler tárepinen Máhállelerdegi mashqalalardı sheshiwde Xalıq deputatları rayonlıq Keńesi deputatları hám “Máhálle jetiligi”niń óz-ara birge islesiwin shólkemlestiriw hám nátiyjeliligin támiyinlew baǵdarında ámelge asırılıw tiyis wazıypalar haqqında toqtalıp ótildi. Bunnan soń aymaq turǵınları tárepinen berilgen pikir hám usınıslar tıńlanıp, orınlanıwı júzesinen deputatlıq qadaǵalawǵa alındı.