Xalq deputatlari mahalliy Kengashlarining sohadagi ijobiy yutuqlari, amalga oshirayotgan ishlari bilan yaqindan tanishish maqsadida kelgan mehmonlar Oliy Majlis Senatidan vakil A.Altiyev hamda navoiy viloyati deputatlaridan iborat delegatsiyaning 15-may kungi navbatdagi manzili xalq deputatlari viloyat Kengashi bo'ldi.

Viloyat Kengashining VIP majlislar zalida bo'lib o'tgan davra suhbatida xalq deputatlari viloyat Kengashining kotibiyati mudiri S.Usmonov "2020-2024-yillardagi Kengash faoliyati" to'g'risida ma'lumot berib o'tdi. Interaktiv davra suhbati tarzida o'tgan uchrashuvda viloyat kengashi deputatlari M.Ixtiyorov, Sh.Juraqulov, xalq deputatlari Navoiy viloyatidan J.Hamrayev, Oliy Majlis Senatidan vakil A.Altiyevlar so'zga chiqib o'z fikrlarini bildirib o'tishdi.

Davra suhbati yakunlangach delegatsiya a'zolari viloyat kengashi kotibiyatiga yaratib berilgan shart-sharoitlar va ularning ishlash tartibi bilan tanishishdi.