Joriy yilning 20-may kuni oltinchi chaqiriq Xalq
deputatlari Chinoz tumani Kengashining navbatdagi sakson beshinchi sessiyasi bo‘lib
o‘tdi. 

Sessiyasi ishida
xalq deputatlari Chinoz tumani Kengashi deputatlari, tuman sektor rahbarlari,
tuman MFY raislari, tumandagi tegishli bo‘lim va tashkilot rahbarlari hamda
ommaviy axborot vositalari vakillari ishtirok etdilar. 

Sessiya ishida Chinoz tumanida aholi bandligini
ta’minlash, kam ta’minlangan olilalarni kambag‘allik darajasidan chiqarish,
doimiy yashash manzilidan uzoq muddatga chiqib ketgan fuqarolar bilan ishlash,
“Sayhunobod tajribasini” joriy etish hamda “mahalla yettiligi” faoliyatini
samarali tashkil etish va ularning mas’uliyatini oshirish bo‘yicha amalga
oshirilgan ishlar yuzasidan 4 ta sektor rahbarlarining hisobotlari eshitildi; 

Sessiya kun
tartibidagi masalalar muhokamasida deputatlar Yigitali Ruzaliyev, Nigora Muxamadiyeva,
Ismoil Sodiqovlar so‘zga chiqib, o‘zlarining savol, taklif va
fikr-mulohazalarini bildirib o‘tdilar. 

Sessiya yakunida kun tartibidagi masalalar yuzasidan tegishli
qaror qabul qilindi. 

Xalq deputatlari Chinoz tumani Kengashi kotibiyati