Yoshlar kunida maktab o‘quvchilari bilan uchrashuv

 Payshanba — yoshlar kuni munosabati bilan Xalq deputatlari tuman Kengashi deputati Sh.Isoqov 30-sonli umumta’lim maktabiga tashrif buyurib, o‘quvchi yoshlar bilan uchrashuv o‘tkazdi.

Uchrashuv davomida yoshlar bilan ochiq muloqot tashkil etilib, ularning fikr va takliflari tinglandi. Shuningdek, yoshlarning bilim olishi, bo‘sh vaqtlarini mazmunli o‘tkazishi hamda kelajakda o‘z oldiga qo‘ygan maqsadlari haqida suhbatlashildi.

Deputat yoshlarga ta’lim olishga yanada jiddiy yondashish, yurtimiz taraqqiyotiga munosib hissa qo‘shadigan barkamol avlod bo‘lib yetishishlari borasida o‘z tavsiyalarini bildirib o‘tdi.