Xalq deputatlari Ishtixon tuman Kengashi deputati Shaxodat Raximova tomonidan Qiyot mahallasida hokim yordamchisi tomonidan amalga oshirilayotgan ishlar samaradorligi, xususan, aholini kambag‘allikdan chiqarish, bandligini ta’minlash hamda tadbirkorlikni rivojlantirish borasida olib borilayotgan ishlar o‘rganildi.

O‘rganish jarayonida hokim yordamchisi Egamov Zayniddin tomonidan 2026-yil davomida amalga oshirilgan ishlar tahlil qilindi. Jumladan, mahalla fuqarolarini qo‘llab-quvvatlash maqsadida 5 nafar fuqaroga tadbirkorlik faoliyati bilan shug‘ullanishi uchun kredit mablag‘lari ajratilganligi ma’lum bo‘ldi.

Shuningdek, mahallada hokim yordamchisi tashabusi bilan 5 nafar fuqaro doimiy ish bilan ta’minlangan bo‘lib, ulardan 2 nafari “Oson ish” platformasi orqali ishga joylashtirilgan. Bundan tashqari, fuqarolarni kasb-hunarga o‘qitish maqsadida vaucher asosida o‘quv kurslariga yo‘naltirish ishlari ham olib borilmoqda.

Mahallada tadbirkorlikni rivojlantirish hamda yangi ish o‘rinlari yaratish maqsadida 8 ta mikroloyiha shakllantirilgan bo‘lib, shundan 4 tasi amaliyotga joriy etilgan. Mazkur loyihalar natijasida 8 nafar fuqaroning bandligi ta’minlangan.

O‘rganish yakunida mahallada aholi bandligini oshirish, tadbirkorlik faoliyatini qo‘llab-quvvatlash hamda kambag‘allikni qisqartirish bo‘yicha olib borilayotgan ishlarni yanada kuchaytirish yuzasidan tegishli tavsiyalar berildi.