Xalq deputatlari Angor tumani Kengashining doimiy komissiyalari yig‘ilishi bo‘lib o‘tdi. Unda tegishli tashkilot rahbarlarining faoliyati yuzasidan hisobotlari eshitildi hamda amalga oshirilayotgan ishlar atroflicha muhokama qilindi. Yig‘ilish davomida hududni ijtimoiy-iqtisodiy rivojlantirish, aholi muammolarini hal etish hamda joylarda olib borilayotgan ishlarning samaradorligini oshirishga qaratilgan qator masalalar ko‘rib chiqildi. Shuningdek, kun tartibiga kiritilgan masalalar yuzasidan tegishli taklif va tavsiyalar ishlab chiqilib, ularni Xalq deputatlari tuman Kengashining sessiyasida ko‘rib chiqish belgilab olindi.