Tadbirkorlar va ishbilarmonlar harakati – O‘zbekiston Liberal-demokratik partiyasi Angren shahar kengashi tomonidan partiyaning Dasturiy maqsadlari va vazifalari, siyosiy platformasi — liberal-demokratik g‘oya va qadriyatlarni keng omma ongiga singdirish maqsadida joylarda aholi va mehnat jamoalari o‘rtasida targ‘ibot-tashviqot ishlari olib borilmoqda va partiya safi kengaytirilmoqda. 

 Shunday tadbirlar bugungi kunda navbatma-navbat o‘tkazilmoqda, xususan 9- may “Xotira va qadrlash” kuniga bag‘ishlangan tadbirga ulanib, mehnat jamoasida bo‘lib o‘tdi.  

 Ushbu tadbir maktab o‘quvchilari jonli ijrosidagi O‘zbekiston respublikasi madhiyasi bilan boshlanib, Xalq deputatlari
shahar Kengashi deputati Abdurashid Abduraimov ochib berganidan so‘ng, partiya shahar kengashi apparati rahbari Mukadam Narbaeva so‘zga chiqib, barchani bayram bilan tabriklab, bugungi kunda mamlakatimiz siyosiy jarayondagi islohotlar, jamiyatda
yoshlarning ta’lim – tarbiyasi, ularni vatanparvarlik ruhida tarbiyalashda ustoz-murabbiylarning hissalariga alohida urg‘u berib, partiya dasturiy vazifalarini targ‘ibotida “Dorilfunun” MFY qoshida tashkil topgan boshlang‘ich partiya yetakchisi etib saylangan Yulduz Usmonovaning hissasi katta ekanligini ta’kidlab o‘tildi.  

 Tadbir oxirida Mukadam Narbaeva bir guruh fuqarolarga partiya biletlari va znachoklarinitopshirib, faol partiya a’zolari bo‘lmish - Yulduz Usmonova, Shaxnoza Ortiqboeva, Xurriyat Akramova, Dilfuza Saytqulova, Barno Ismoilova, Baxtiyor Izzatullaev, O`zLiDeP shahar kengashi faxriy yorliqlari, shuningdek, Abdurashid Abduraimovni partiya viloyat kengashi faxriy yorliqlari bilan taqdirladi.