Xalq deputatlari Bag‘dod tumani Kengashi deputati R.Amanova Sho‘roqyer mahalla fuqarolar yig‘ini “mahalla yettiligi” bilan uchrashuv o‘tkazdi.

      Shuningdek Tadbir davomida mahalladagi ijtimoiy-ma’naviy muhit, jinoyatchilik va huquqbuzarlik holatlari chuqur tahlil qilindi. Aholi bilan muloqot chog‘ida jinoyatlarning oldini olish, yoshlar o‘rtasida profilaktik ishlarni kuchaytirish, mahallada tinchlik va osoyishtalikni ta’minlash bo‘yicha taklif va mulohazalar o‘rtaga tashlandi.

       Uchrashuv jarayonida deputat mahalladagi mavjud muammolarni bevosita o‘rganishga alohida e’tibor qaratdi. Mahalla yettiligi a’zolari tomonidan amalga oshirilayotgan ishlar, xususan, yoshlar bilan ishlash, kam ta’minlangan oilalarga ko‘mak berish va hududni obodonlashtirish borasidagi faoliyat ham muhokama qilindi.

      Shuningdek, R.Amanova mahalla hududida joylashgan maktabgacha ta’lim tashkilotida bo‘lib, mazkur bog‘chaning moddiy-texnik bazasi, ayniqsa qish mavsumiga tayyorgarlik doirasida issiqlik tizimi bilan ta’minlanganlik holati bilan yaqindan tanishdi. muassasa rahbariyati bilan suhbat o‘tkazilib, isitish tizimi samaradorligi, muassasadagi sharoitlar, tarbiyalanuvchilar uchun yaratilgan qulayliklar haqida ma’lumot olindi.