Uchrashuvda tuman Kengashi deputati Eldor Erkaboyev, mahalla yettiligi a’zolari, imom-xatib hamda mahalla nuroniylari faol ishtirok etib, hududdagi dolzarb masalalar atroflicha muhokama qilindi.

Muloqot davomida fuqarolar tomonidan elektr ta’minoti, ichimlik suvi, yo‘l infratuzilmasi, ijtimoiy yordam, bandlik hamda obodonlashtirish masalalari yuzasidan qator murojaatlar bildirildi.

Xususan,

🟠Boboyurt mahallasi Boyovul ko‘chasidan o‘tuvchi yuqori kuchlanishdagi elektr uzatish liniyasini aholi xavfsizligini ta’minlash maqsadida mahalla chetidan o‘tkazish zarurligi ta’kidlandi. Mazkur masala fuqarolar xavfsizligi nuqtayi nazaridan dolzarb ekanligi qayd etilib, tegishli tashkilotga o‘rganish va texnik xulosa berish bo‘yicha deputat so‘rovi yuborilishi takidlandi.

🚰 Tutzor ko‘chasida ichimlik suvi liniyasi yangidan tortilgani sababli yo‘lning yaroqsiz holga kelgani, ayniqsa 1000 metr qismida harakatlanish qiyinlashgani bildirildi. Ushbu ko‘chaga tosh-shag‘al yotqizish orqali yo‘lni tiklash masalasi ko‘rib chiqilib, amaliy choralar belgilandi.

Shuningdek, nuroniylar tomonidan yoshlar tarbiyasi, oilaviy qadriyatlarni mustahkamlash hamda mahallada ijtimoiy muhitni yaxshilash bo‘yicha takliflar bildirildi. Imom-xatib esa aholi o‘rtasida hamjihatlik va mehr-oqibat muhitini mustahkamlash muhimligini ta’kidladi.

Uchrashuv yakunida ko‘tarilgan barcha masalalar deputat nazoratiga olinib, ularni bosqichma-bosqich hal etish yuzasidan mas’ul tashkilotlarga aniq vazifalar yuklatildi.

Bunday ochiq muloqotlar hududdagi muammolarni joyida aniqlash va ularni tizimli hal etishda muhim ahamiyat kasb etadi.