Xalq deputatlari tuman Kengashi faoliyati yuzasidan ma’lumot 

Xalq deputatlari Yangibozor tumani Kengashi tomonidan yil boshidan 12 sessiya o‘tkazilgan bo‘lib, ushbu sessiyalarning barchasi OAVlarida, 4 tasi
onlayn tarzda yoritilgan. Sessiyalarda 146 masala ko‘rib chiqilgan va qarorlar qabul qilingan. Shundan, 48 tasi hisobotlarni eshitish bo‘yicha (tuman hokimi, hokim o‘rinbosarlarining, ichki ishlar bo‘limi, moliya bo‘limi, soliq bo‘limi, tibbiyot birlashmasi, Yoshlar ishlari agentligi tuman bo‘limi va boshqa tashkilotlarning rahbarlari hisobotlari), 13 tasi axborotlarni eshitish bo‘yicha (tuman adliya bo‘limi, Xalq qabulxonasi, tuman prokurori va boshqalarning axborotlari), 30 tasi muhokama qilish bo‘yicha, 15 tasi nazorat-tahlil qilish masalalari bo‘yicha, 34 tasi vakolat doirasidagi qarorlarni tasdiqlash bo‘yicha, 3 tasi hokim qarorlarini tasdiqlash bo‘yicha qarorlar qabul qilingan. Har bir masala sessiyaga kiritilishidan oldin tegishli doimiy komissiyalar yig‘ilishlarida muhokama qilinib kelinmoqda. Doimiy komissiyalar tomonidan qabul qilingan har bir qarorning bajarilishi bo‘yicha nazorat o‘rnatilgan. 

Doimiy komissiyalar o‘z faoliyatlarini O‘zbekiston Respublikasining Konstitutsiyasi, “Mahalliy davlat hokimiyati to‘g‘risida”gi, “Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi qonunlari asosida, shuningdek, xalq deputatlari Yangibozor tumani Kengashi reglamenti hamda doimiy komissiyalari to‘g‘risidagi nizomga muvofiq amalga oshirib kelinmoqda.