2026-jıl 21-yanvar kúni Shomanay rayonı hákimliginiń májilisler zalında rayon hákimi A.Ametov, hákim orınbasarları, mákeme, kárxana hám shólkem basshıları, rayonlıq Keńes deputatları qatnasında májilis bolıp ótti. Onda rayondı kompleksli sociallıq-ekonomikalıq rawajlandırıw boyınsha 2026-jılı ámelge asırılıwı rejelestirilgen ilajlar hám usı baǵdarda islep shıǵılǵan jol kartası dodalandı.

Májilis dawamında ekonomika tarmaqların rawajlandırıw, investiciyalardı tartıw, jańa jumıs orınların jaratıw, xalıqtıń bántligin támiyinlew, sociallıq taraw obyektleriniń jumısın jaqsılaw hám infrastrukturanı modernizaciyalaw máselelerine ayrıqsha itibar qaratıldı. Belgilengen wazıypalar boyınsha juwapker shólkemler hám orınlawshılarǵa anıq tapsırmalar berildi.

Májilis juwmaǵında rayon hákimi tárepinen barlıq basshılarǵa belgilengen wazıypalardı óz waqtında hám sapalı ámelge asırıw, xalıqtıń múrájatları menen islesiwdi kúsheytiw hám aymaqtı turaqlı rawajlandırıwǵa qaratılǵan ilajlardı izbe-iz dawam ettiriw boyınsha kórsetpeler berildi. Bul jumıslar Shomanay rayonınıń sociallıq-ekonomikalıq potencialın arttırıwǵa xızmet etetuǵını atap ótildi.