“Yangi O‘zbekiston” massivida olib borilayotgan qurilish ishlar o‘rganildi

Prezidentimiz tashabbus va topshiriqlari asosida aholini zamonaviy infratuzilmalar bilan ta’minlangan turar joylar bilan ta’minlash maqsadida yurtimiz bo‘ylab “Yangi O‘zbekiston” massivlari barpo etilmoqda. Sariosiyo tumanining Lutfkor mahallasida ham bu yo‘nalishda yirik loyihalar amalga oshirilmoqda. Joriy yil 19-yanvar kuni xalq deputatlari tuman Kengashi deputati, Sariosiyo tumani hokimi Odiljon Yaqubov Lutfkor mahallasida qurilayotgan “Yangi O‘zbekiston” massividagi turar joylar, ijtimoiy soha obyektlari va infratuzilma inshootlari holatini o‘rgandi. Shu yerning o‘zida soha mutasaddilar va quruvchi tashkilotlar ishtirokida qurilish sohasida amalga oshirilayotgan ishlar ijrosi muhokama qilindi.