O‘zbekiston Respublikasi Konstitutsiyasining yangi tahrirdagi 120-moddasiga muvofiq, Xalq deputatlari Kengashiga uning deputatlari orasidan saylangan rais boshchilik qilishi belgilab qo‘yilgan. 2026-yil 1-yanvardan boshlab ushbu amaliyot barcha tuman (shahar) Kengashlariga tatbiq etilishi belgilangan. Shu munosabat bilan, bugun Xalq deputatlari Angor tumani Kengashining navbatdagi sessiyasi bo‘lib o‘tdi. Sessiyada “Mahalliy davlat hokimiyati to‘g‘risida”gi O‘zbekiston Respublikasi Qonunining 16³-moddasida belgilangan tartibda Kengash raisi lavozimi masalasi ko‘rib chiqildi. Sessiya davomida Xalq deputatlari Angor tumani Kengashi raisligiga “24-Karvon” saylov okrugidan saylangan deputat Qo‘zimuratov Abdisalom Javliyevichning nomzodi tavsiya etildi. O‘tkazilgan ovoz berish natijalariga ko‘ra, deputat Qo‘zimuratov Abdisalom Javliyevich Xalq deputatlari Angor tumani Kengashi raisi etib bir ovozdan saylandi.