#Munosabat  

Prezident Murojaatnomasi: Ekologik muvozanat — inson salomatligi
va kelajak taraqqiyotining asosi 

  Prezident Shavkat Mirziyoevning Oliy Majlisga va ko‘p millatli xalqimizga yo‘llagan Murojaatnomasida
ekologik muvozanatni ta’minlash, atrof-muhitni muhofaza qilish va “yashil” iqtisodiyotni
rivojlantirish masalalari ustuvor vazifa sifatida belgilandi. 

Davlatimiz
rahbari ekologiyani faqat tabiatni asrash masalasi sifatida emas, balki xalq salomatligi,
hayot sifati va barqaror taraqqiyotning hal qiluvchi omili sifatida qayd etdi. Sanoat
korxonalarida zararli chiqindilarni kamaytirish, filtr va monitoring tizimlarini
joriy etish, havo ifloslanishini nazorat qilish bo‘yicha aniq chora-tadbirlar belgilangani
bu boradagi qat’iy siyosatdan dalolat beradi. 

Murojaatnomada
shaharlarda jamoat transportini rivojlantirish, ekologik toza transport turlarini
ko‘paytirish, elektromobillardan foydalanishni keng rag‘batlantirish orqali sog‘lom
muhit yaratish vazifalari alohida ta’kidlandi. Shuningdek, suv resurslaridan oqilona
foydalanish, suvni tejaydigan texnologiyalarni joriy etish, “yashil makon” va “yashil
devor” loyihalari orqali chang-to‘zonlarning oldini olishga qaratilgan keng ko‘lamli
ishlar amalga oshirilishi belgilandi. 

Deputat sifatida ekologik muvozanatni ta’minlashga
qaratilgan har bir dastur va qaror ijrosini joylarda qat’iy nazorat qilish, aholining
ekologik madaniyatini oshirish, sog‘lom va xavfsiz atrof-muhit yaratishga qaratilgan
tashabbuslarni qo‘llab-quvvatlashni ustuvor vazifa deb bilamiz. 

Ekologiyaga
e’tibor — bugungi kun uchun ham, kelajak avlod uchun ham mas’uliyatdir. 

O‘zbekiston
“Adolat” SDPdan Xalq deputatlari Farg‘ona tuman Kengashiga saylangan deputat Shuxratjon
Raximov