#Munosabat

Kengashda yoshlar so‘zi

2025-yil 23-iyundagi PF–98-sonli Prezident Farmoni asosida yoshlar bilan ishlash borasida mutlaqo yangi tizim joriy qilinmoqda. Endilikda har bir tuman, shahar va mahallada yoshlar muammolarini joyida hal qilish uchun mahalliy Kengashlar qoshida "Yoshlar guruhlari" tashkil etilishi belgilandi.

Bu guruhlar orqali:

Yoshlarning ehtiyoj va takliflari to‘g‘ridan-to‘g‘ri deputatlarga yetkaziladi;

Mahalladagi yoshlar ijtimoiy, ma’naviy, iqtisodiy hayotga jalb etiladi;

Yangi loyihalar, tashabbuslar va tadbirlar yoshlarning o‘zlari tomonidan ilgari suriladi.

"Yoshlarni eshitish – bu siyosat emas, mas’uliyat. Har bir Mahalliy Kengashlarda tashkil etilayotgan yoshlar guruhi — PF–98 Farmonining amaliy ifodasidir."

Dehqonobod tumanida ham bu boradagi ishlar boshlangan. Mahallalarda faol yoshlar aniqlanmoqda, ular bilan ochiq muloqot va amaliy loyihalar yo‘lga qo‘yilmoqda.

Sarvar Abdiraimov - Xalq deputatlari Dehqonobod tuman Kengashi deputati