Йиғилишни Халқ депутатлари Қашқадарё вилояти Кенгаши раиси И.Б. Хушмуродова олиб борди.

Сессия ишида Олий Мажлис Сенатининг Суд-ҳуқуқ масалалари ва коррупцияга қарши курашиш қўмитасида доимий асосда ишловчи сенатор З.Р.Бекатова ва Олий Мажлис Қонунчилик палатаси депутати Н.Т.Саломовалар иштирок этди.

Сессияда:

- вилоятда аҳоли ўртасида соғлом турмуш тарзини оммалаштириш, жисмоний тарбия ва спортни ривожлантириш борасида амалга оширилаётган ишлар;

- Ўзбекистонда кичик гидроэнергетикани ривожлантириш ҳамда “Қарши-Шаҳрисабз-Китоб” йўналишидаги автомобиль йўлининг 106 км қисмини реконструкция қилиш лойиҳа концепциялари;

- вилоятда ўзбошимчалик билан эгаллаб олинган ер участкаларига ҳамда уларга қурилган бинолар ва иншоотларга бўлган ҳуқуқларни эътироф этиш ҳамда вилоятни ижтимоий-иқтисодий ривожлантириш бўйича бир қатор масалалар муҳокама қилинди.