Bekobod tumanida 2025-yil g‘alla mavsumini uyushqoqlik bilan o‘tkazish, g‘alladan bo‘shagan yer maydonlariga o‘t qo‘ymaslik, bunday harakatlar uchun nazarda tutilgan qonuniy javobgarlik, talon-torojliklarning oldini olish, hosilni nes-nobud qilmasdan yig‘ishtirib olish borasida amalga oshirilishi belgilangan ishlar yuzasidan tuman prokurori B.Jalilovning axboroti tinglandi.

Тumanda 2025-yil hosili uchun jami 15 ming 700 gektar maydonga 297 ta fermer xo‘jaliklari va “GLOBAL TEKISTIL GROOP AGRO» MCHJ Bekobod klasteri tomonidan boshoqli don ekinlari yetishtirildi.  

Yetishtirilgan 15 ming 700 gektar g‘alla maydonlaridan jami 43 ming 341 tonna, shundan 16 ming 876 tonna davlat resursiga, 26 ming 466 tonna vaqtincha saqlash uchun topshirilish rejalashtirilgan. G‘alla maydonlarining 4 ming 300 gektariga ertapishar, 11 ming 400 gektariga o‘rtapishar navlari ekilgan bo‘lib, boshoqli don ekinlarini qisqa muddatlarda o‘rib-yig‘ib olish bo‘yicha fermer xo‘jaliklari kesimida o‘rim grafiklari ishlab chiqildi.

O‘rim 2 iyundan boshlanib, 28 iyun kuniga qadar amalga oshiriladi. 

Bugungi kunda yetishtirilgan boshoqli don ekinlarini qisqa muddatlarda nes-nobud qilmasdan yig‘ib-terib olish maqsadida 50 ta otryadlar tuzilib, tashkil etilgan otryad tarkibiga otryad rahbari, otryad hisobchisi, IIB xodimi, qo‘riqlash xizmati xodimi, favqulotda vaziyatlar bo‘limi xodimi va boshqa mutasaddi bo‘lim xodimlari biriktirildi. 

Bundan tashqari, otryad tarkibiga 50 ta g‘alla o‘rish kombaynlari, 250 ta don tashish transporti, 100 ta g‘alla maydonlarini o‘rishga tayyorlovchi texnikalar jalb etilib, 4 ta ko‘chma ta’mirlash ustaxonasi va 7 ta yoqilg‘i yetkazib beruvchi ko‘chma agregatlar shay holatga keltirilgan.

Yetishtirilgan g‘alla hosilini nes-nobud qilmasdan qisqa muddatlarda o‘rib-yig‘ib olinishini tashkillashtirish hamda mavjud muammolarni bartaraf etish bo‘yicha tuman shtabi tashkil etilib, shtab a’zolari tomonidan:

- g‘alla o‘rim-yig‘im ishlari borishi yuzasidan monitoring yuritish hamda joylardagihxaqiqiy holat bo‘yicha tuman hokimiga tezkor axborot berish ishlari amalga oshiriladi. 

Joriy yilda g‘alla yetishtiruvchi qishloq xo‘jaligi korxonalariga bir qancha imtiyoz va qulayliklar yaratib berilganligini inobatga olib, g‘alla maydonlarining har gektaridan 75-85 sentnerdan kam hosil olmaslik choralarini ko‘rish barcha mutasaddi rahbarlarining birinchi galdagi burchi ekanligi ta’kidlandi. Shularni inobatga olib, yetishtirilgan g‘alla hosilini nes-nobud qilmasdan qisqa muddatlarda o‘rib-yig‘ib olinisini tashkillashtirish, davlatga don sotish yuzasidan tuzilgan shartnomalarni to‘liq bajarilishini ta’minlash bo‘yicha har bir mutasaddiga aniq vazifalar belgilab berildi. 

Xalq deputatlari Bekobod tumani Kengashining agrar, suv xo‘jaligi va ekologiya masalalari bo‘yicha doimiy komissiyasining 2025-yil 2-iyundagi 03-04-DKB/6-sonli majlis bayoni hamda bildirilgan taklif va fikr-mulohazalarni inobatga olib, Oʻzbekiston Respublikasi “Mahalliy davlat hokimiyati toʻgʻrisida”gi qonunining 6- va 24-moddalariga muvofiq, Xalq deputatlari tuman Kengashi tegishli qaror qabul qildi.