2024 yilning 18 dekabr kuni Surxondaryo viloyati Kengashi deputati Muzaffarova Nazokat Sharabovna, xalq deputatlari Qumqo‘rg‘on tumani Kengashi deputatlari Boymurod Abdimo‘minov va Salim Saidovlar tumandagi “Yangier” mahallasidagi 20-sonli Musiqa va san’at maktabida saylovchilar bilan tasdiqlangan grafik asosida uchrashuv tashkil etishdi.

   Uchrashuv davomida deputatlar aholi bilan suhbatlashib, ularning taklif va murojaatlarini tinglashdi. Fuqarolar tomonidan asosan uy-joy, moddiy yordam, kredit olish, ishga joylashish, sog‘likni tiklash, kommunal sohalarda va boshqa masalalardagi murojaatlarini bildirishdi.

  Uchrashuv so‘nggida hududda mavjud muammolar hamda fuqarolar tomonidan berilgan takliflar yechimi yuzasidan rejalar tuzib olinib, fuqarolar murojaatlari yuzasidan tegishli tashkilotlarga deputatlik so‘rovlari yuborilishi ta’kidlandi.