Toyloq tumani maktabgacha va maktab ta’limi bo‘limiga qarashli 36-umumiy o‘rta ta’lim maktabida “Jaholatga qarshi ma'rifat bilan kurashaylik!” Shiori ostida davra suhbati bo‘lib o‘tdi. 

Unda, tuman Kengashi deputati Uktam Tangirov, Milliy gvardiya xodimi, mayor Abdusattor Sheraliyevlar ishtirok etib yoshlar o‘rtasida turli xildagi noxush holatlari barvaqt oldini olish, ularning bandligini ta'minlash, yoshlar o'rtasida huquqbuzarliklarning sodir etilishini bartaraf etish, giyohvandlikning salbiy oqibatlari, diniy ekstremizm va aqidaparastlik g'oyalarining tarqalishi, shuningdek, yoshlarning bo‘sh vaqtini mazmunli o‘tkazadigan fan to'garaklariga jalb qilish borasida o‘z fikr-mulohazalarni bildirib, oilada ota-onaning farzand tarbiyasidagi roli yuqorida aytib o‘tilgan salbiy illatlarni bartaraf etishda muhim ahamiyatga ega ekanligi to‘g‘risida so‘z yuritdilar.