Xalq deputatlari Urgut tuman Kengashi deputati Sherali Xudoyqulov Prezidentimizning 2024 yil 23 sentyabrdagi qarori bilan tasdiqlangan “Kambag‘allikdan faravonlik sari” dasturi ijrosini ta’minlash maqsadida mahallalarga chiqib, aholi o‘rtasida tushuntirish-targ‘ibot ishlarini olib bormoqda.

Tumanning “Beshkapa-2” mahallasidadagi xonadonlarga tashrif buyurgan deputat fuqarolar bilan ochiq muloqotga kirishdi. Suhbatlar asnosida qishloq joylarida aholi turmush faravonligini oshirishning eng maqbul yo‘li mavjud tomorqalardan samarali foydalanish hamda xaridorgir ekinlarni almashlab ekish orqali yuqori hosil ko‘tarish, yetishtirilgan mahsulotlarni esa bozorga sotib daromadni ko‘paytirish ekanligini alohida takidladi.

Mahallada bu boradagi ishlarni yaxshi yo‘lga qo‘yib, mo‘maygina daromad topayotgan ishbilarmon kishilar boshqalarga na’muna sifatida ko‘rsatilib, ularning tajribasini barcha oilalar joriy etish zarurligi xonadonlar sohiblariga uqtirildi.

Deputat dastur ijrosini ta’minlash bilan bir qatorda mahalla ahlini qiynab kelayotgan muammolarni ham o‘rgandi. Ularning asosini mahalla xududida bolalar sport maydonchasi barpo etish, aholi bandligini ta’minlash, tadbirkorlikni rivojlantirish,, kommunal sohada yuzaga kelayotgan masalalarga yechim topish bilan bog‘liq o‘nga yaqin murojaatlar tashkil etdi.

Fuqarolardan tushgan murojaatlarning 2 tasi shu yerda hal etildi, 4 tasi bo‘yicha tushuntirish berildi, 3 tasi yuzasidan tegishli tashkilotlarga deputatlik so‘rovi yuboriladigan bo‘ldi.