Shu kecha-kunduzda odamlar bilan yaqindan muloqotda bo‘lmasdan, ular ichiga kirmasdan turib, hududlarda kechayotgan ijtimoiy-iqtisodiy jarayonlarga, mavjud kamchilik hamda muammolarga keng jamoatchilik o‘y-fikrlariga baho berib bo‘lmaydi. Fuqarolar muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida xalq deputatlari shahar Kengashi deputatlari tomonidan o‘zlariga tegishli saylov okruglarida saylovchilar bilan uchrashuvlar tashkil etilmoqda.

Xalq deputatlari Termiz shahar Kengashiga 9-“Abdulla Avloniy” saylov okrugidan saylangan deputat D.Normuradova shaharning “Turon” mahallasida bo‘lib, aholi bilan suhbatlashdi. Uchrashuv davomida saylovchilar tomonidan ularning qiynab kelayotgan muammo va takliflari tinglanib, huquqiy maslahatlar berildi va tegishli tashkilotlarga deputatlik so'rovi bilan chiqish belgilandi. Fuqarolarning murojaatlari yuzasidan deputatlik nazorati o'rnatildi.